زندگی میں کامیاب ہونے کے لئے ہمیں اصولوں پر مبنی اچھی عادات کی تربیت دینی ہوگی۔ اس کو ایک مثال سے سمجھیں،فرض کریں آپ ایک نئے شہر کا دورہ کررہے ہیں۔ آپ شہر سے واقف نہیں ہیں، اس لئے آپکو رک رک کر لوگوں سے راستوں کے متعلق ہدایات لینی پڑیں گی۔ اس عمل سے آپ شاید منزل پر پہنچ جائیں، لیکن یہ ایک انتہائی تھکا دینے والا عمل ہوگا۔ اور اس سے آپ کی رفتار اور کارکردگی دونوں متاثر ہونگی۔ اب فرض کریں، آپ اسی شہر میں ایک بہت کلئیر نقشے (یا گوگل میپ)کے ساتھ چل رہے ہیں۔ اب آپ کو کسی سے کچھ پوچھنے کی ضرورت نہیں ہے۔اور آپ کی کارکردگی بھی بہت اچھی رہے گی۔
زندگی بھی ایک ایسی ہی چیز ہے۔ آپ قدم قدم پر رک کر پوچھتے رہے یا ایک نقشہ لے کر آپ اپنی منزل پر پہنچ جائیں۔ مصنف، اسٹیفن کووی نے پچھلے دو سو سالوں کےکامیابی کے بارے میں لٹریچر کو پڑھا، اور پھر اسکو سمجھ آئی کہ کامیابی کے دو طریقے استعمال کیے جاتے رہے ہیں.
پہلا ہے،پرسنلٹی ایتھک۔شخصیت کا رکھ رکھاؤ- ایک کامیاب انسان کی طرح رہن سہن کرنا، چال چلن سے ، مختلف طریقے استعمال کر کے ایسا حلیہ اور بھیس بھرنا کہ سارے آپ کو کامیاب سمجھیں۔ لیکن یہ سارے طریقے صرف دکھاوے کے طریقے ہیں۔یہ ایسے ہی ہے جیسے ایک شہر میں لوگوں سے پوچھ پوچھ کر آگے بڑھنا۔
جبکہ دوسرا ہے، کیریکٹر ایتھک-کردار کی تبدیلی- اس میں آپ کو اپنے آپ کو حقیقی طور پر تبدیل ہونا پڑتا ہے۔ انسانیت کے وہ سنہری اصول جو اچھا انسان بننے اور رہنے کیلئے ضروری ہیں، ان کو اپنانا پڑتا ہے۔ یہ سطحی تبدیلی نہیں ہے بلکہ بہت گہری تبدیلی ہے۔جس کیلئے سچائی، امانت، وفاداری، ہمدردی وغیرہ کا ہونا ضروری ہوتا ہے۔لیکن اپنی شخصیت کو تبدیل کرنا آسان نہیں ہوتا۔ آپ کو ایسی اچھی عادات بنانے کی ضرورت ہے۔ اگلے سٹیپ میں ہم ان عادات کو ایک ایک کرکے دیکھیں گے تاکہ زندگی میں حقیقی طور پر کامیاب ہو سکیں۔