کام کی صحیح ترجیحات؛ یہ تیسری کامیابی کی عادت ہے۔ ہم اسے ایک مثال سے سمجھیں. ” تصور کریں کہ یہ پیر کی صبح ہے، اور آپ دفتر میں ہیں۔ فون بج رہا ہے، پرنٹر خراب ہے، آپ کو کام کرنا ہے، اور آپ کے باس نے بھی آپکو بلایا ہے۔ اب آپ کس ترتیب سے کام کریں گے؟ کبھی کبھی، جب آپ اپنےکام اور انکے اہداف جانتے ہیں، تو یہ مشکل ہوتا ہے کہ پہلے کیا کرنا چاہیے۔ یہاں تیسری عادت آپکی مدد کرتی ہے: کام کی صحیح ترجیحات طے کرنا۔’ اس کا مطلب ہے کہ آپ کاموں کو ان کی اہمیت کے مطابق انجام دیں۔ اس میں آپ مدد لے سکتے ہیں۔
ایک ٹائم میٹرکس سے۔ یہ ایک چار خانوں والا کام کی تقسیم کا باکس ہوتا ہے۔ جس میں کام اپنی اہمیت اور وقت کے حوالے سے تقسیم کیے جاتے ہیں۔ بالائی بائیں خانے ، میٹرکس -ون،میں وہ کام ہوتے ہیں جو فوراً اور اہم ہیں، مثلاً کسی ایمرجنسی کا ہوجانا، ایکسیڈنٹ وغیرہ وہ کام جن کو ہرصورت فورا کرنا پڑتا ہے۔ بالائی دائیں خانے،میٹرکس -ٹو، میں وہ کام ہوتے ہیں جو اہم ہیں لیکن فوری نہیں ہیں، مثلاً ، مذہبی فرائض، ورزش کرنا،فیملی کو وقت دیناوغیرہ وغیرہ۔ نیچے بائیں خانے، میٹرکس -تھری، میں وہ چیزیں ہوتی ہیں جو فوراً ہیں لیکن زیادہ اہم نہیں ہیں، مثلاً فون کا جواب دینا۔کسی مہمان کا آ جانا، آخرکار، نیچے دائیں خانے، میٹرکس -فور، میں وہ کام ہوتے ہیں جو نہ تو فوراً ضروری ہیں اور نہ ہی اہم ہیں، مثلاً مووی، ٹی وی، ویڈیو گیمز وغیرہ وغیرہ۔
جب آپ اس ٹیبل کو دیکھیں گے ، تو آپ کو محسوس ہوگا کہ سب سے اہم کام اگرچہ وہ وقت کے لحاظ سے جلدی کیے جانے والے کام نہیں ہیں۔وہ بالائی دائیں خانے ، میٹرکس -ٹو، یا (کواڈرینٹ ٹو) کے کام ہیں۔ کیونکہ یہ آپ کے زندگی کے مقاصد اور لانگ ٹرم میں کامیابی کی ضمانت بنتے ہیں۔
کام کے سلسلے میں یہ بھی یاد رہے،کہ آپ ہر کام کو خود ہی نہیں کرسکتے۔ آپ کو دوسروں سے مدد لینے کی ضرورت ہوتی ہے ، ایسی صورت میں بس یہ یقینی بنائیں کہ آپ واضح طریقے سے بیان کرتے ہیں کہ آپ کو کیا نتائج چاہیں۔ظاہر ہے ہم سارے کچھ نتائج حاصل کرنے کیلئے ہی کام کرتے ہیں۔