سائنرجی (اتفاق، یکجہتی) کامیابی کی چھٹی عادت ہے۔ اس کا مطلب ہے کہ تمام دستیاب ذرائع اور توانائیوں کا یکجان استعمال ہوتا ہے۔ اسے ایک جنگل کی مثال کے ذریعے سمجھتے ہیں۔جنگل ایک ایسی جگہ ہے جو جانداروں اور نباتات سے بھری پڑی ہے۔ اس اتنی گہما گہمی کا راز کیا ہے؟ کیا یہ جانور ہیں، پرندے ہیں، چیونٹیاں، درخت یا دھوپ؟ اصل میں، یہ تمام مل کر اس زندگی کی گہما گہمی کا سبب بنتے ہیں۔ جنگل کےیہ سارے اجزاء ایکدوسرے سے جڑے ہوتے ہیں اور ایک دوسرے پر انحصار کرتے ہیں ۔ اسے سائنرجی کہتے ہیں، یعنی ایک ایسی ٹیم جو ایکدوسرے کو سپورٹ کرتی ہے، اور مل کر ایک نظام بناتی ہے اور اسے خوبصورتی عطا کرتی ہے۔
سائنرجی، انسانوں میں بھی ایسے ہی کام کرتی ہے۔ انسانوں کی ایک ٹیم کے ممبرز کی بھی ایسے ہی مضبوط اور کمزور پوائنٹس ہوتے ہیں۔ جب وہ مل کر کام کرتےہیں، تو جنگل کی طرح ایک زندگی سے بھرپور ٹیم بنتی ہے۔ یہ ٹیم وہ کام کرسکتی ہے جو انفرادی طور پر یہ افراد کبھی نہیں کر سکتے تھے۔
اس کو ایک کلاس کے طلباء پر اپلائی کریں، ایک ایسی کلاس جہاں سنرجی پیدا ہوتی ہے،جہاں طلباء کو سوچ کی آزادی ہو، بات کرنے اور اپنے خیالات شئیر کرنے کی آزادی ہو۔ ایسی کلاس میں کچھ طلباء دلچسپ سوالات پوچھتے ہیں، دوسرے مددگار جوابات دیتے ہیں، اور کچھ اپنی ذاتی کہانیاں شئیر کرتے ہیں۔ اور ان چیزوں کا براہ راست کلاس کے پڑھائی کے پلان سے کوئی خاص تعلق نہیں ہوتا۔
اس ٹیم کام کو ہونے دینے کے لئے اہم ہے کہ ایک محفوظ اور باہمی احترام والا ماحول بنایا جائے۔ اس کا مطلب ہے کہ یہ یقینی بنایا جائے کہ ہر کوئی دوسرے کو، اسکے آئیڈیاز کو جگہ دے۔ یہیں پر کامیابی کی دوسری عادات بھی کام آتی ہیں، مثلا جیت-جیت کا فارمولہ ، مثلا پہلے دوسروں کو سمجھنے کی عادت۔ جب یہ عادات استعمال کی جاتی ہیں تو لوگ زیادہ تر اپنے ڈریمز شئیر کرتےہیں۔ دوسروں کے آئیڈیاز اور سکلز سے فائِدہ اٹھا کر سائنرجی کی وہ فضا پیدا کرپاتے ہیں، جو کامیابی کا ذریعہ بنتی ہے۔
میں آپ کو ڈیوڈ لتھیل کے بارے میں بتاتا ہوں۔ انہوں نے اٹامک توانائی کمیشن کے نام سے ایک گروپ کی سربراہی کی تھی۔ اس گروپ کے ماہرین کے پاس مختلف آئیڈیازتھے، اس گروپ کے آئیڈیازکے اختلاف کبھی کبھار اس گروپ کیلئے مسائل پیدا کرتے تھے۔ لیکن پھر ڈیوڈ نےگروپ کی میٹنگز کا انعقاد کیا۔ جہاں ہر کوئی اپنے آئیڈیاز، اپنے خواب، اور اپنے ڈر شئیر کر سکتا تھا۔ سب کو بولنے کی اختلاف کرنے کی آزادی تھی۔ یہی وجہ تھی کہ ہر کوئی ایک دوسرے پر بھروسہ کرنے لگا اور سمجھنے لگا۔ نتیجتاً، یہ گروپ اپنے کام کے لحاظ سے بہت ہی تخلیقی اور موثر ہو گیا۔جیسے کہ ایک جنگل میں مختلف جاندار ایک ساتھ کام کرتے ہیں،اور جنگل کا ایکو سسٹم بناتے ہیں، ایسے ہی اپنے رزلٹ کے لحاظ سے انسانوں کے بہترین گروہ،وہ ہوتے ہیں جہاں اراکین ایک دوسرے کے ساتھ منسلک ہوتے ہیں ، تائید کرتے ہیں، شئیر کرتے اور اختلاف کرتے ہیں۔ اور اس کھلے ماحول اور کھلے دل میں سائنرجی پیدا ہوتی ہے۔