بسم اللہ الرحمان الرحیم،
اب جب ہم جانتےہیں کہ عادات بنتی کیسے ہیں، اب ہمیں پتہ ہے کہ عادات بنانے کے چار مرحلے ہیں، کیو (اشارہ)، خواہش (کراونگ)، ردعمل (رسپانس) اور ریوارڈ (انعام/نتیجہ)۔ اس پر عمل کرتے ہوےَ، ہم ایسی اچھی عادات بنا سکتےہیں، جو مستقل رہیں۔مثلا اگر آپ گٹار بجانا سکیھنا چاہتے ہیں، لیکن نہیں کر پا رہے تو ان چار مراحل کے مطابق، سب سے پہلے کیو (اشارہ)، کیلئے گٹار کو کہیں آنکھوں سے اوجھل رکھنے کے بجاےَ، وہاں رکھیں جہاں وہ آپکو نظر آتی رہے-اس سے آپکو یاد رہے گا کہ آپ نے پریکٹس کرنی ہے۔
لیکن اس سے بھی آگے چلیں، اور وہ پریکٹس کریں جسے ہم ارادے کی پختگی کہہ سکتے ہیں۔ مثلا، گٹار کو صرف نظر میں مت رکھیں، بلکہ ان دنوں کیلئے الارم بھی سیٹ کریں جن دو یا تین دنوں میں آپ اسکی پریکٹس کرنا چاہتے ہیں۔ اب الارم آپکو عین وقت پر یاد کرواےَ گا کہ آپ نے آج کے دن، اتنی دیر کیلئے گٹار پریکٹس کرنی ہے۔
اسی طریقہ کار کی افادیت کو جانئیے جو ڈاکٹر اینی تھارن ڈائیک نے بوسٹن (امریکہ) میں ایک تجربہ کیا، لوگوں کو صحت بخش کھانا کھانے پر مائل کرنے کیلئے، اور انہیں اس بات پر مجبور کرنے کیلئے کہ وہ صحیح اور صحتمند کھانے کا اہتمام کریں۔ انہوں نے ہسپتال کے کیفے میں سوڈا واٹر (پیپسی اور کوک) کی جگہ پانی کی بوتلیں رکھوا دیں۔ اور حیران کن طور پر اس ایک کام سے سوڈا کی فروخت گیارہ پرسنٹ گر گئی، یہی نہیں بلکہ پانی کی فروخت پچیس فیصد تک بڑھ گئی۔ اس سے ہمیں پتہ چلتا ہے۔صرف ماحول میں چھوٹی چھوٹی چیزیں تبدیلیاں کرنے سے ہم کتنے اہم اور بڑے کام آسانی سے کر سکتے ہیں جن کے لئے شاید بہت سارے لوگوں کو بہت زیادہ کوشش کرنی پڑتی ہے۔