بسم اللہ الرحمان الرحیم،
زندگی کبھی کسی چھوٹی سی تبدیلی کرنے سے راتوں رات تبدیل نہیں ہوتی۔ زندگی تبدیل ہوتی ہے، ہر روز چھوٹی چھوٹی چیزیں تبدیل کرنے سے ، جب ان چھوٹی چھوٹی تبدیلیوں کو تسلسل دے کر، عادت بنا دیا جاےَ۔زندگی میں کامیابی کیلئے ہمیں بہت بڑی تبدیلی کرنے کی ضرورت نہیں ہے۔ اس کےلئے آپکو چند چھوٹی چھوٹی عادتیں اکٹھی کرنے کی ضرورت ہے، جیسے صبح صبح اٹھنا، جیسے کتابیں پڑھنا، جیسے ایکسرسائز کرنا، جیسے نئی سکلز سیکھنا۔ اور یہی چھوٹی چھوٹی چیزیں آپکو کامیاب کردیں گی۔
اور جب ان چھوٹی چھوٹی چیزوں کو اپنی زندگی میں لانا مشکل ہو رہا ہوتو، آپ -ہیبٹ سٹاکنگ-عادتوں کو جمع کرنا- کا فارمولہ استعمال کریں۔ مثلا؛ اگر آپ مراقبہ (میڈیٹیشن)کرنا چاہتے ہیں، لیکن آپ کو اس کے لئے وقت نہیں ملتا تو اس کو کسی ایسی چیز کیساتھ جوڑیں، جو آپ روزانہ آسانی سے کرتے ہیں۔ مثلا اگر اس مراقبہ کو کافی کےکپ کیساتھ جوڑ دیا جاےَ، اور آپ یہ فیصلہ کر لیں کہ کافی کے کپ کے بعد آپ مراقبہ کریں گے، تو یہ آپ کیلئے بہت آسان ہو جاےَگا۔تو ہم اپنی کوئی بھی نئی عادت آسانی سے اپنا سکتےہیں۔