بسم اللہ الرحمان الرحیم،

یہ عام طور پر ہم سوچتے ہیں کہ کمپنی شروع کرنا پیسوں اور محنت کے حوالے سے بہت مشکل ہوتا ہے – نہیں ہے۔ آپ شروع کرسکتے ہیں جب آپ کی کاروبار کا سب سے اہم حصہ تیار ہو۔ آج کل، کمپنی شروع کرنا بہت آسان ہے، خصوصاً اگر آپ چھوٹے سے شروع کریں۔ آپ کو بہت زیادہ وقت یا پیسے کی ضرورت نہیں ہوتی۔
ایک نئے بزنس کیلئے بغیر سوچے سمجھے، بغیر آزماےَ کبھی بڑے لیول پر کام شروع نہ کریں، ایک اچھا طریقہ ہوتا ہے کہ آپ چیزیں آزمائیں۔ آپ اپنی روزانہ کی نوکری جاری رکھ سکتے ہیں اور ہفتے کے کچھ گھنٹے اپنی کاروبار کی آئیڈیا پر کام کریں۔ اس کے لئے کبھی زیادہ قرضہ وغیرہ بھی نہیں لینا چاہئے۔ کوشش کریں کہ کم سے کم وسائل کے استعمال سے شروع کریں۔ اس موقع پر قرضہ میں ڈوب جانا آپ کے زندگی اور مستقبل کے اس بزنس کیلئے مسائل پیدا کرسکتا ہے۔
جب آپ اپنی کمپنی کا آغاز کرتے ہیں، محنت کا بڑا حصہ ،کاروبار کے سب سے اہم حصے یا میسج میں ڈال دیں۔ مثلاً، اگر آپ ایک برگر کارٹ چلا نے کا سوچ رہے ہیں، تو آپ کے بزنس کا کور ()برگرز ہونگے۔ کور کچھ ایسی چیز ہونی چاہئے جو لمبی مدت تک رہے۔ جیسے امیزون، جو آن لائن پراڈکٹس کا دنیا کاسب سے بڑا سٹور ہے۔جب امیزون نے کام شروع کیا تو، کتابوں کے بزنس سے کیا تھا۔لیکن امیزون نے بزنس کا کور دو چیزوں کو بنایا، جلدی ڈیلوری اور اچھی قیمت ۔ اس لئے جب امیزون نے کتابوں سے آگے بڑھ کر تقریبا دنیا کی ہر چیز آن لائن مہیا کر دی تو بھی اس کے بزنس کا کور، جلد ڈیلیوری اور مناسب قیمت ہی رہا۔
اہم بات یہ بھی ہے کہ،ایک بار جب آپ کے بزنس کا کور تیار ہوتا ہے، تو کمپنی شروع کرنے میں زیادہ دیر نہ کریں۔ آپ تفصیلات کو بعد میں سمجھ سکتے ہیں۔ کبھی کبھی، جیسے کہ Basecamp کے ساتھ، جب یہ کمپنی لانچ ہوئی تو اس وقت تک اپنے کسٹمرز کو بل کرنے کا نظام کام نہیں کر رہا تھا، لیکن پھر انہوں نے بزنس لانچ کیا۔اور اس مسئلے کو ایک مہینہ کے اندر اندر حل کر لیا۔ تو کامیابی کی کنجی یہ ہے کہ ، جب آپ کے بزنس کا کور تیار ہوجاےَ، تو کام شروع کریں، باقی بہت ساری چیزیں وقت کے ساتھ ساتھ ٹھیک ہوتی چلی جائیں گی۔