بسم اللہ الرحمان الرحیم،
چھوٹا ہونے کے علاوہ، کم پراڈکٹس بھی بزنس کیلئے بہت بہتر ہوتی ہیں۔ جیسے شیف گورڈن رامسے،ان ریسٹورینٹس کی مدد کرتے ہیں جو بزنس میں سٹرگل کر رہے ہوتے ہیں۔ اور وہ مدد کیسےکرتے ہیں ، وہ ان ریسٹورنٹس کی آدھے سے زائد ڈشز ختم کروا دیتے ہیں۔ اور مینو کو کم، بہتر اور آسان کر دیتے ہیں۔ ایسے ہی اگر آپکی پراڈکٹس پرابلم کر رہی ہیں تو اسکے فیچرز کم کردیں۔ اور یاد رکھیں کچھ بہت ہی اعلی چیز بنانے کیلئے آپکو ان بہت ساری چیزوں سے جان چھڑانی پڑے گی، جو صرف او-کے، قسم کی پراڈکٹس ہیں۔یہ بالکل ایسے ہی ہے جیسے دنیا ادب کےمشہور انگلش ادیب، ارنسٹ ہمنگوے-نے بہت آسان الفاظ کیساتھ وہ کہانیاں لکھیں جنہوں نے بہت سارے انعامات جیتے۔ایسے ہی بہت ساری پراڈکٹس چند سادہ فیچرز کیساتھ بنائی جاسکتی ہیں۔
اگرچہ آپ کا مقابلہ ایسی پراڈکٹس سے ہو، جن میں بہت سارےفیچر ہوں، انکو کاپی کرنے کی کوشش نہ کریں-اپنی پراڈکٹ کو سادہ رکھیں، اسکی مثال ایسے رکھیں، جیسے کسی بہت بڑی آرٹ گیلری میں آپ کو اپنی پراڈکٹ دکھانی ہے، جو صرف چند پراڈکٹس دکھاتی ہے، اب آپ کو ایک بہت مختلف اور یونیک پراڈکٹ بنانی ہے۔
لیکن یہ ایک آسان کام نہیں ہوگا، اسپیشلی جب آپ کے کسٹمر زیادہ ہوجائیں گے،تو وہ آپکو پریشر کریں گے کہ نئے بہتر، ایڈوانس فیچر والی پراڈکٹس لے کر آئیں، ایسے ہی آپکی ٹیم کے پاس بھی بہت سارے آئیڈیاز ہونگے۔ ضروری یہ ہے کہ ایڈوانس فیچرز کیلئے جلدی نہ کی جاےَ، آپ کے کسٹمرز جو آپ کو ملے ہیں وہ پرانی پراڈکٹ پر ملے ہیں، اپنی پراڈکٹ کو اتنا تبدیل نہ کردیں کہ کسٹمر اسکے ساتھ شناخت نہ بنا پائیں۔اور اسکا فارمولہ یہ ہے کہ، کسی بھی تبدیلی کیلئے چاہے کتنی ہی زیادہ بہتر معلوم ہو، اسوقت تک نہ کریں جب تک اس بات کا یقین نہ کرلیں کہ آپکے کسٹمرز کی بہت بڑی تعداد اس تبدیلی کو مانگ رہی ہے۔