بسم اللہ الرحمان الرحیم،
کتاب، ٹپنگ پوائنٹ (The Tipping Point) میلکم گلیڈ ویل نے سال ۲۰۰۰ میں لکھی، یہ ۳۰۰ صفحات کی کتاب ہے۔ اور اپنی اشاعت کیساتھ ہی یہ کتاب بہت زیادہ فروخت ہونے والی کتابوں میں شامل ہو چکی تھی۔ یہ کتاب ہماری دنیا میں پاےَ جانے والے ٹپنگ پوائنٹس کے بارے میں ہے۔ مصنف کے مطابق، ہر چیز، ہر آئیڈیا کا ایک ٹپنگ پوائنٹ آتا ہے، اور جب یہ پوائنٹ آ جاتا ہے تو پھر وہ چیز، وہ آئیڈیا ایک متعدی (Infectious ) بیماری کی طرح،جنگل کے آگ کی طرح پھِیل جاتی ہے۔
مثلا ہش پپیز (Hush Puppies ) کافی عرصہ تک صرف شیلف پر موجود تھے، انہیں کوئی نہیں جانتا تھا۔ پھر ۱۹۹۰ کی دھائی میں مین ہٹن (Manhattan ) کے چند اہم لوگوں نے ان شوز کو استعمال کرنا شروع کیا۔ اور پھر جیسے ہش پپیز- یکدم پوری دنیا میں مشہور ہوگئے۔ انکی سیل اگلے سال ۳۰ ہزار ، پھر اگلے سال چار لاکھ تیس ہزار اور اس سے اگلے سال بیس لاکھ شوز بیچے گئے۔ تو ہش پپیز-بننے کے اگلے سال ہی نہیں، بلکہ چند لوگوں کی لگاتار محنت نے چند سالوں کے بعد انہیں کامیابی ملی۔
اور معاشرتی سطح پر وائرل ہونے والی چیزوں کی مثال بھی، متعدی (تیزی سے) پھیلنے والی بیماریوں کی طرح ہے۔ اور کسی چیز کے وائرل ہونے میں بعض اوقات چھوٹی چھوٹی چیزیں اہم رول پلے کرتی ہیں۔ مثلا سردیوں میں وائرس زیادہ تیزی سے بیماریاں پھیلاتے ہیں، کیونکہ اسوقت انسانوں کے مدافعاتی نظام کافی کمزور ہوتے ہیں۔ اسطرح ہم کہہ سکتے ہیں، دونوں معاشرتی اور بیماری ایک ٹپنگ پوائنٹ پر پہنچ جاتے ہیں، اور پھروہاں سے چیزیں روکنا ممکن نہیں رہتا۔ آئیڈیاز بھی متعدی بیماریوں کی طرح پھیلتے ہیں، جہاں چھوٹی چھوٹی چیزیں بہت بڑی بڑی تبدیلیوں کا سبب بن جاتی ہے۔